Երեւան: Մեդիամաքս: ԱրմենՏել ընկերության պաշտոնական Beeline.am կայքը ցանցահենների /հաքերների/ կողմից deface տիպի հարձակման է ենթարկել:
Այս մասին Մեդիամաքս-ի հետ զրույցում հայտնել է ընկերության հասարակայնության հետ կապերի ծառայության ղեկավար Անուշ Բեղլոյանը:
Նա նշել է, որ հարձակումն ու deface-ը (կայքի գլխավոր էջի փոխարինում այլ էջով եւ տեղեկատվությամբ) իրականացվել է այսօր ժամը 11-ի շրջանում ու տեւել է 10-15 րոպե, այժմ համապատասխան մասնագետներն աշխատում են կայքի վերականգնման ուղղությամբ:
«Կայքում առկա տվյալները չեն տուժել: Մեր մասնագետները հետաքննության են իրականացնում, որի արդյունքում պարզ կլինի` որ երկրից է եղել հարձակումը»,- ասել է Անուշ Բեղլոյանը:
Նա նշել է, որ Beeline.am-ը բազմիցս է ենթարկվել հաքերային հարձակումների, սակակն deface առաջին անգամ է իրականացվել:
Տեղեկատվական անվտանգության մասնագետ Սամվել Մարտիրոսյանն այսօր իր բլոգում հայտնել է, որ ադրբեջանցի ցանցահենների կողմից հարձակում է իրականացվել նաեւ armenpress.am եւ blognews.am կայքերի վրա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: