Երեւան։ Մեդիամաքս։ Common Ground Books and Spirits (Բաղրամյանի, 6) գրական-մշակութային հարթակը հրավիրում է օգոստոսի 5-ին եւ 6-ին Դիլիջանի քաղաքային զբոսայգում մասնակցել գրքի ընտանեկան տոնավաճառին:

«Մեր գործընկերների՝ Impulse Management Company-ի հետ որոշեցինք կազմակերպել գրքի փառատոն՝ մեր փոքրիկ ընթերցողներին եւ նրանց ծնողներին ներկայացնելով նորույթներն ու բեսթսելերները: Փառատոնի ընթացքում կլինեն շնորհանդեսներ, խաղեր, հանդիպումներ հրատարակիչների եւ հեղինակների հետ», - ասված է կազմակերպիչների հաղորդագրության մեջ: