Երեւան: Մեդիամաքս: «Հանրային տեղեկատվություն եւ գիտելիքի կարիք» եւ «Կանանց ռեսուրսային կենտրոն» հասարակական կազմակերպությունները «Բազմազանության շաբաթվա» շրջանակներում այսօր Երեւանում կազմակերպել էին «Բազմազանության շքերթ»:
Ըստ կազմակերպիչների, դրա նպատակն էր «հասնել բազմազանության, փոխհարգանքի եւ մշակութային զգայունության, ինչպես նաեւ եւս մեկ անգամ ցույց տալ Հայաստանում առկա հարուստ բազմազանությունը»:
«Բազմազանության շքերթը» ուղեկցվել է մոտ հարյուր հայ երիտասարդների բողոքի ակցիայով, ովքեր Երեւանի կենտրոնում երթ էին կազմակերպել` փորձելով այդ կերպ արտահայտել իրենց բացասական վերաբերմունքը համասեռամոլների հանդեպ:
Մեդիամաքս-ի ֆոտոթղթակիցը հետեւել է երթին մասնակցած երիտասարդներին Կասկադից մինչեւ Նկարիչների միության շենք:
Երթի ընթացքում ակտիվիստները հնչեցրել են «ո՛չ այլասերվածությանը», «նրանց նմաններին պետք է այրել», «գոմիկներին` Բաքու», «նրանցից հեռու պահե՛ք ձեր երեխաներին» կոչերը եւ երգել են հայրենասիրական երգեր:
Այդպիսով, երթի մասնակիցները խոչընդոտել են շքերթի ընթացքին:
Մանրամասները՝ ֆոտոշարքում եւ տեսագրությունում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: