Արմեն Բուբուշյանի ընտանիքը եւ Մեդիամաքս մեդիա-ընկերությունը հայտարարում են Արմեն Բուբուշյանի անվան մրցանակի հայտերի ընդունման մասին:

2021 թվականին կորոնավիրուսային հիվանդության հետեւանքով կյանքից հեռացավ դիզայներ, նկարիչ, քանդակագործ, կերպարվեստի պրոֆեսոր, Ճարտարապետության եւ շինարարության Հայաստանի Ազգային համալսարանի դիզայնի ֆակուլտետի դեկան Արմեն Բուբուշյանը: Մրցանակը նվիրված է նրա հիշատակին:

Մրցանակին վերաբերող տեղեկատվությունը ներկայացված է ստորեւ:

***

Մրցույթը հայտարարվում է 2022թ. դեկտեմբերի 13-ին՝ Արմեն Բուբուշյանի ծննդյան օրը:

Հայտերն ընդունվում են մինչեւ 2023թ. մարտի 1-ը ներառյալ:

Արդյունքներն ամփոփվում են 2023թ. ապրիլի 3-ին:

***

ՄԱՍՆԱԿԻՑՆԵՐԸ

Մրցույթին կարող են մասնակցել հայաստանյան բուհերի ուսանողները (բակալավրիատ եւ մագիստրատուրա): Մասնակիցները ներկայացնում են ուսանող լինելու ապացույց հանդիսացող փաստաթուղթ:

ԱՌԱՋԱԴՐԱՆՔԸ

Մասնակիցները կարող են աշխատանք ներկայացնել երեք անվանակարգերից մեկում.

1.    ՓԱԹԵԹԱՎՈՐՈՒՄ

Բրենդի անվանում՝ Creo

•    Նոր, օրիգինալ շշի ֆորմագոյացություն:

•    Պիտակի դիզայն՝ շշի վրա նախատեսված մասում:

•    Պիտակը կարող է լինել ցանկացած նյութից, ինչպես նաեւ տպագրված լինել շշի վրա:

•    Լոգոտիպ:

2. ԿԱՀՈՒՅՔ՝ ԱԹՈՌ

Նոր, օրիգինալ կառուցվածք, ֆորմա:

3. ՇԱՐԺՈՒՆԱԿՈՒԹՅՈՒՆ (MOBILITY)՝ ԻՆՔՆԱԳԼՈՐ (SCOOTER)

Նոր, օրիգինալ կառուցվածք, ֆորմա:

ՀԱՅՏԸ

Մասնակիցների կողմից ներկայացվող հայտը պետք է ներառի.

1. Նախագծի տեքստային նկարագրություն (նվազագույնը՝ 300, առավելագույնը՝ 500 բառ, լեզուն՝ հայերեն), որը պետք է հնարավորինս պարզ ներկայացնի նախագիծը եւ պատասխանի հետեւյալ հարցերին.

Ի՞նչ խնդիր է լուծում նախագիծը, ի՞նչ նպատակներ ունի, ո՞ր շուկայի համար է նախատեսված, ինչով է նորարարական, ի՞նչ նյութերից է պատրաստվելու:

Նախագծի անվանումը չպետք է հղում կատարի մասնակցին։

2. Նկարներ

1.    Առավելագույնը 10 հատ:

2.    Բոլոր պատկերները պետք է լինեն նկարներ կամ թվային ռենդերներ (photographs or digital renders):

3.    Նկարների ֆորմատը՝ JPG (RGB), ոչ ավելի քան 5 մեգաբայթ յուրաքանչյուր նկարի համար:

4.    Նկարների վրա չպետք է լինի որևէ լոգո կամ նշում, որը հղում կանի մասնակցին:

Տեսանյութի եւ/կամ Ֆիզիկական նախատիպի ներկայացումը պարտադիր պայման չէ, մասնակիցները կարող են պատրաստել դրանք սեփական նախաձեռնությամբ: Ինչպես եւ նկարների դեպքում, տեսանյութի վրա չպետք է լինի որևէ լոգո կամ նշում, որը հղում կանի մասնակցին:

Մասնակիցները երաշխավորում են, որ ներկայացված աշխատանքները ստեղծվել են իրենց կողմից եւ չեն խախտում որեւէ մեկի հեղինակային իրավունքները: Իրավունքների խախտման բացահայտման դեպքում մասնակիցը որակազրկվում է:

Հայտերը ուղարկվում են contest@mediamax.am էլ. հասցեով:

Հարցերի դեպքում կարող եք զանգել 010 54 45 31 հեռախոսահամարով:

ՄՐՑԱՆԱԿՆԵՐԸ

Երեք անվանակարգերի առկայությունը չի ենթադրում, որ դրանցից յուրաքանչյուրում պետք է հաղթող ճանաչվի:

Ընդհանուր մրցանակային ֆոնդը կազմում է 500 000 դրամ: Նախատեսվում են առաջին (250 000 դրամ), երկրորդ (150 000 դրամ) եւ երրորդ (100 000 դրամ) մրցանակներ:

Կարող են սահմանվել նաեւ հատուկ մրցանակ/մրցանակներ:

ԺՅՈՒՐԻԻ ԿԱԶՄԸ

Արամ Մեհրաբյան

Ստեփան Ազարյան

Արսեն Ավոյան

Ռուբեն Բուբուշյան

Ժյուրիի անդամները հանդես են գալիս իբրեւ անհատներ եւ չեն ներկայացնում այն կրթական կամ այլ կազմակերպությունների տեսակետը, որոնցում ներգրավված են: