Երեւան: Մեդիամաքս: ՀՀ առողջապահության նախարար Արսեն Թորոսանն ասել է, որ Հայաստանը կորոնավիրուսի ախտորոշման թեստերի պակաս չունի:
«Հայաստանն ունի բավարար քանակությանմբ PCR թեստեր եւ շարունակում է դրանք ձեռք բերել»,- ասել է նախարարը:
Նրա խոսքով՝ մինչ օրս արվել է 1440 թեստ, որից դրական է եղել 290-ը:
Արսեն Թորոսյանը հայտնել է նաեւ, որ շուտով քարտեզ կհրապարակվի, որտեղ նշված կլինեն բոլոր այն բնակավայրերը, որտեղ կորոնավիրուսի դեպքեր են արձանագրվել:
«Հատուկենտ դեպքեր արձանագրվել են Սյունիքի, Լոռու, Շիրակի մարզերում, իսկ ամենաշատ դեպքերն արձանագրվել են Երեւանում, Արմավիրի, Արարատի, Կոտայքի մարզերում: Վայոց ձորի եւ Գեղարքունիքի մարզում դեռ չունենք արձանագրված դեպքեր»,- ասել է նա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: