Երեւան: Մեդիամաքս: ԵԱՀԿ մեդիայի ազատության հարցերով ներկայացուցիչ Հարլեմ Դեզիրը, ՄԱԿ-ի խոսքի ազատության հարցերով հատուկ զեկուցող Դէվիդ Քեյը եւ Մարդու իրավունքների Համաամերիկյան հանձնաժողովի հատուկ զեկուցող Էդիսոն Լանզան հանդես են եկել համատեղ հայտարարությամբ՝ կորոնավիրուսի տարածման պայմաններում խոսքի ազատության ապահովման մասին:
Մեդիամաքսը ներկայացնում է Դեզիրի, Քեյի եւ Լանզայի հայտարարության հիմնական կետերը:
1
Կառավարությունները պետք է հավաստի տեղեկատվություն տրամադրեն կորոնավիրուսի վտանգների մասին:
2
Ինտերնետի հասանելիությունը ճգնաժամի պայմաններում առանցքային կարեւորություն ունի եւ կառավարությունները պետք է զերծ մնան սահմանափակումներ սահմանելուց:
3
Կառավարությունները պետք է առանձնահատուկ միջոցներ ձեռնարկեն լրագրողների աշխատանքը պաշտպանելու համար: Լրագրությունը կենսական նշանակություն ունի նման իրավիճակներում:
4
Համավարակի մասին կեղծ տեղեկատվությունը կարող է խուճապի եւ անկարգությունների պատճառ դառնալ, ուստի շատ կարեւոր է, որ հենց կառավարություններն առաջին հերթին հակազդեն դրան՝ տրամադրելով արժանահավատ տեղեկություններ:
5
Հրապարակումների հեռացումը կամ գրաքննությունը կարող է կիրառվել բացառապես այն դեպքերում, երբ դա համապատասխանում է անհրաժեշտության եւ համաչափության չափանիշներին: Համավարակին վերաբերող տեղեկատվությունը քրեականացնելու ցանկացած փորձ բացասական ազդեցություն է ունենալու խոսքի ազատության վրա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: