Երեւան: Մեդիամաքս: ՀՀ ոստիկանությունն այսօր կառավարությանն է ներկայացրել նոր օրենսդրական նախաձեռնությունների փաթեթ:

Առաջարկվում է դեկտեմբերի 1-ից մինչեւ մարտի 31-ն ընկած ժամանակահատվածում ամառային անվադողերով երթեւեկող վարորդներին տուգանել 20 000 դրամով, իսկ տրանսպորտային միջոցը տեղափոխել հատուկ պահպանվող տարածք:

Բացի այդ, օրինագծով առաջարկվում է, որ եթե վերոնշյալ ժամանակահատվածում վարորդը երթեւեկում է առանց միացված մոտակա լուսային լապտերների, տուգանել 5000 դրամով:

ՀՀ Ազգային ժողովի հավանությանն արժանանալու դեպքում՝ օրենքի նախագիծն ուժի մեջ կմտնի 2020-ի դեկտեմբերի 1-ից։