Երեւան: Մեդիամաքս: Վաղը կկայանա Մեդիամաքս-ի նախաձեռնած Yerevan Web Meetings 2011 նախագծի եզրափակիչ վարպետության դասը:
Այն կվարի Ռուսաստանում եւ ԱՊՀ երկրներում Facebook սոցիալական ցանցի զարգացման մենեջեր Եկատերինա Սկորոբոգատովան: Նա կխոսի Facebook-ի պլատֆորմի վերջին փոփոխությունների, պրոֆիլի նոր ձեւաչափի, Facebook-ի հավելումների նոր տիպերի մասին:
Բոլոր ցանկացողները կարող են նոյեմբերի 12-ին, ժամը 14:00-ին մուտք գործել www.Itel.am կայք ու դիտել վարպետության դասի օնլայն հեռարձակումը (live streaming):
Yerevan Web Meetings 2011 նախագծի նպատակն է Հայաստանում ներկայացնել ցանցային բովանդակության ստեղծման եւ առաջխաղացման լավագույն արտասահմանյան փորձը:
Նախագիծը Մեդիամաքսն իրագործում է Հայաստանի առաջատար բջջային օպերատոր ՎիվաՍել-ՄՏՍ-ի գլխավոր հովանավորությամբ:
