Երեւան: Մեդիամաքս: Այսօր Երեւանում բացվել է «Հարավկովկասյան երկաթուղի» ՓԲԸ /ՀԿԵ/ տրանսպորտային ծառայությունների կենտրոնը:
Ինչպես հաղորդում է Մեդիամաքսը, բացման պաշտոնական արարողությանը մասնակցել են ՀԿԵ-ի գլխավոր տնօրեն Շեւկետ Շայդուլինը, ՀՀ տրանսպորտի եւ կապի նախարար Մանուկ Վարդանյանը, ՀՀ արդյունաբերողների եւ գործարարների միության նախագահ Արսեն Ղազարյանը:
Տրանսպորտային ծառայությունների կենտրոնի /ՏԾԿ/ տնօրեն Զարա Աղասաֆյանցն ասել է, որ նոր կառույցը հաճախորդներին տրամադրելու է տրանսպորտային ծառայությունների ողջ տեսականին` «մեկ պատուհանի» սկզբունքով:
Շեւկետ Շայդուլինը նշել է, որ առաջին անգամ ստեղծվել է վաճառքների միասնական կետ, որը «մեր աշխատանքի պսակն է տեղեկատվական տեխնոլոգիաների ոլորտում»:
Ապրանքների բեռնափոխադրման հիմնական ծառայություններից բացի Կենտրոնն առաջարկելու է նաեւ նոր ծառայություններ, մասնավորապես` ֆակտորինգ եւ ապրանքների ապահովագրում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: