Երեւան: Մեդիամաքս: Մեդիամաքս մեդիա-ընկերության ԶԼՄ-ների մոնիտորինգի, վերլուծության եւ գնահատման MaxMonitor համակարգը հունիս ամսվա ընթացքում շարունակել է դիտարկել օնլայն մեդիայում հետեւյալ քաղաքական գործիչների լուսաբանման ծավալները՝ Նիկոլ Փաշինյան, Սերժ Սարգսյան, Արմեն Սարգսյան, Կարեն Կարապետյան, Տարոն Մարգարյան, Ռոբերտ Քոչարյան, Վիգեն Սարգսյան, Լեւոն Տեր-Պետրոսյան, Արարատ Միրզոյան եւ Գագիկ Ծառուկյան:
2018թ. հունիսին 130 լրատվական կայքերի դիտարկման արդյունքներով ամենից շատ հիշատակված քաղաքական գործիչներն են.
1.Նիկոլ Փաշինյան՝ 17 703 հիշատակում (2018թ. մայիսին՝ 29 790 հիշատակում):
2.Սերժ Սարգսյան՝ 3 711 հիշատակում (2018թ. մայիսին ՝ 5 620 հիշատակում):
3.Արմեն Սարգսյան՝ 3 617 հիշատակում (2018թ. մայիսին ՝ 6 362 հիշատակում):
MaxMonitor համակարգում առանձին վերլուծության են ենթարկվում 13 լրատվական կայքերի (168.am, 1in.am, A1plus.am, Aravot.am, Armenpress.am, Armlur.am, Blognews.am, Hraparak.am, Lragir.am, Mediamax.am, News.am, Panorama.am, Tert.am) հրապարակումները, ինչի շնորհիվ ստացվում են որոշակի որակական ցուցանիշներ:
MaxMonitor-ի մասնագետներն այս ընթացքում վերլուծության են ենթարկել ընդհանուր առմամբ 8 150 հոդվածներ, որոնցում այս կամ այն կերպով անդրադարձ է եղել թվարկված քաղաքական գործիչներին:
Ստորեւ ներկայացնում ենք քաղաքական գործիչների վերաբերյալ դրական, չեզոք եւ բացասական հիշատակումների բաշխվածությունը:
Քաղաքական գործիչ | Դրական | Չեզոք | Բացասական |
Նիկոլ Փաշինյան | 1326 | 3383 | 2 |
Սերժ Սարգսյան | 45 | 879 | 76 |
Արմեն Սարգսյան | 493 | 427 | 1 |
Տարոն Մարգարյան | 70 | 244 | 20 |
Արարատ Միրզոյան | 65 | 249 | 2 |
Ռոբերտ Քոչարյան | 1 | 247 | 58 |
Կարեն Կարապետյան | 1 | 262 | 4 |
Գագիկ Ծառուկյան | 33 | 115 | 0 |
Լեւոն Տեր-Պետրոսյան | 6 | 138 | 3 |
Վիգեն Սարգսյան (վերլուծության ենթակա կայքերում 2018թ. հունիսին չի հիշատակվել) | - | - | - |
Հունիսին Նիկոլ Փաշինյանի վերաբերյալ եղել է ընդամենը 2 բացասական հոդված, որոնցից մեկում նշվում է, որ Նիկոլ Փաշինյանը չարաշահում է օրենսդիր վարչական ռեսուրսը, մյուսում նշվում է, որ կենտրոնանալով կոռուպցիայի վերացման վրա՝ վարչապետը կարծես թե անտեսում է արտաքին քաղաքականության խնդիրները:
ՀՀ երրորդ նախագահի վերաբերյալ բացասական հիշատակումների մեծ մասը կապված են ԱԱԾ բացահայտումների հետ: Մամուլում տեղեկություններ են շրջանառվում այն մասին, թե նախկին նախագահը իմացել է գեներալ Մանվել Գրիգորյանի, տարբեր հանցավոր տարրերի չարաշահումների մասին, ինչպես նաեւ թույլ չի տվել որոշ գործարարների ձեռնարկատիրությամբ զբաղվել ՀՀ սահմաններում: Այս համատեքստում բացասական երանգով հիշատակվում է նաեւ ՀՀ երկրորդ նախագահ Ռոբերտ Քոչարյանը:
Մեդիամաքս մեդիա-ընկերությունն իր MaxMonitor համակարգով Հայաստանի մեդիայի մոնիտորինգի, վերլուծության եւ գնահատման շուկայի բացարձակ առաջատարն է: Համակարգի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ եւ դեսպանություններ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: