Երեւան: Մեդիամաքս: Առցանց Change.org հարթակում ստորագրահավաք է մեկնարկել ՀՀ ներկայիս օրհներգը փոխելու եւ աշխարհահռչակ կոմպոզիտոր Արամ Խաչատրյանի՝ Խորհրդային Հայաստանի համար ստեղծած օրհներգը վերադարձնելու առաջարկով։
Առաջարկի հեղինակը Արամ Խաչատրյանի տուն-թանգարանի տնօրեն, անվանի դաշնակահար Արմինե Գրիգորյանն է։
«Մենք գտնում ենք, որ ստեղծարարության ու խաղաղության ձգտող երկրին անհրաժեշտ դրական եւ ստեղծագործական էներգիայի վրա հիմնված օրհներգ, որը հիմնված է ազգային մեղեդայնության վրա։ Մենք համոզված ենք, որ այս հատկանիշներն առկա են Արամ Խաչատրյանի հռչակավոր ստեղծագործության մեջ, որը անժխտելի հեղինակություն է ամբողջ աշխարհում եւ հայ մշակույթի այցեքարտը», - գրել է Արմինե Գրիգորյանը։
Առաջարկի տակ արդեն 500-ից ավել ստորագրություն կա։
