Երեւան: Մեդիամաքս: ԱՄՆ-ում հունվարի 24-ին լույս է տեսել ամերիկահայ գործարար Քըրք Քրքորյանի մասին պատմող կենսագրական «Խաղացողը» (The Gambler) գիրքը:

Գրքի հեղինակն է The Los Angeles Times թերթի հետաքննող լրագրող Ուիլյամ Ռեմփելը:

Գիրքը գրելիս նա զրուցել է Քըրք Քրքորյանի ընկերների եւ բարեկամների հետ, աշխատել է արխիվներում, ուսումնասիրել է մամուլի հրապարակումները:

The New York Times-ի հետ հարցազրույցում Ուիլյամ Ռեմփելը խոստովանել է, որ երբ հրատարակչությունն իրեն առաջարկեց գրել գիրքը, ինքը գրեթե ոչինչ չգիտեր Քըրք Քրքորյանի մասին:

 

Հեղինակն ասել է, որ իր ամենամեծ բացահայտումներից մեկն այն էր, որ Քրքորյանը հերոսական մասնակցություն է ունեցել Երկրորդ աշխարհամարտին որպես ռազմական օդաչու՝ լինելով բեւեռային երթուղու առաջամարտիկներից մեկը:

Հունվարի 29-ին ԱՄՆ-ում Հայաստանի դեսպանատանը տեղի կունենա հանդիպում Ուիլյամ Ռեմփելի հետ, որը կներկայացնի իր գիրքը եւ կպատասխանի ներկաների հարցերին:

Մեդիամաքսը նշում է, որ գիրքը կարելի է պատվիրել Amazon կայքում:

Քիրք Քրքորյանը կյանքից հեռացավ 2015 թվականի հունիսի 15-ին՝ 98 տարեկան հասակում:

Հասարակություն | 2015-06-17 13:43:46

Քըրք Քրքորյանը կյանքի օրոք դարձել էր լեգենդ, ասել է ՀՀ նախագահը

Քըրք Քըրքորյանը սերում էր Խարբերդից Ֆրեզնո գաղթած Ահարոն Գրիգորյանի ընտանիքից։

Քըրք Քըրքորյանը բազմաթիվ բարեգործական ծրագրեր է իրականացրել Հայաստանի եւ հայության համար: 2004 թվականին, հայրենիքին մատուցած բացառիկ ծառայությունների համար, նրան շնորհվել էր Հայաստանի Ազգային հերոս կոչումը: 

Սպիտակի երկրաշարժից հետո և ՀՀ-ի շրջափակման տարիներին Քըրք Քըրքորյանը մեծապես օգնել է Հայաստանին ու Արցախին։

Քըրքորյանի նախաձեռնած «Լինսի» հիմնադրամը 2001-ից ի վեր շուրջ 151 միլիոն դոլար է տրամադրել Հայաստանին՝ ճանապարհների վերակառուցման, մշակութային հաստատությունների վերանորոգման, աղետի գոտու բնակարանաշինարարության, եւ բազմաթիվ այլ ծրագրերի իրականացման համար: