Երեւան: Մեդիամաքս: Հայաստանում ՆԱՏՕ-ի Տեղեկատվական կենտրոնում կայացել է սեմինար ապագա լրագրողների համար, որին մասնակցեցին ԵՊՀ եւ Ռուս-հայկական (Սլավոնական) համալսարանի ժուռնալիստիկայի ֆակուլտետների 30-ից ավել ուսանողներ:
Դեկտեմբերի 12-ին կայացած սեմինարում դասախոսությամբ հանդես եկավ ՆԱՏՕ-ի Հանրային դիվանագիտության վարչության Հարավային Կովկասի տարածաշրջանի պատասխանատու Դեսպինա Աֆենտուլին:
Նա ներկայացրեց ՆԱՏՕ-ի անվտանգության մարտահրավերները եւ գործընկերների հետ համագործակցության եզրերը:
Հարավային Կովկասում ՆԱՏՕ-ի Կապի գրասենյակի աշխատակից Մագնուս Էյոլֆսոնը մասնակիցներին պատմեց Հարավային Կովկասի երկրների հետ Դաշինքի հարաբերությունների մասին՝ շեշտը դնելով Հայաստան-ՆԱՏՕ փոխգործակցության մանրամասների վրա։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: