Երեւան: Մեդիամաքս: «Սասնա ծռեր» խումբն իր ֆեյսբուքյան էջի միջոցով տեղեկացրել է, որ վիրավորվել է խմբի անդամ Արայիկ Խանդոյանը՝ «Միայնակ Գայլը»:
Համացանցում շրջանառվող տեղեկությունների համաձայն՝ Արայիկ Խանդոյանը վիրավորվել է դիպուկահարի կրակոցից:
«Սասնա ծռեր»-ը հայտնել էր, թե «ՊՊԾ գնդի տարածքում անօդաչու թռչող սարքով, ենթադրաբար, ռումբեր են գցում» եւ կարծիք հայտնել, թե «իշխանությունները հատուկ գործողության են պատրաստվում»:
Դեպքի կապակցությամբ ավելի ուշ հայտարարությամբ է հանդես եկել նաեւ ոստիկանությունը:
«Ի խախտումն իրավապահների պահանջի՝ քիչ առաջ ՊՊԾ գնդի տարածքում կրակահերթեր են հնչել: Իրավապահները պատասխան կրակ են բացել: Վիրավորվել է կրակողներից մեկը` Արայիկ Խանդոյանը»,- Ֆեյսբուքի իր էջում գրել է Ոստիկանության հասարակայնության հետ կապի եւ լրատվության վարչության պետ Աշոտ Ահարոնյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: