Անվանի ֆիզիկոսները կքննարկեն ԵրՖի ռազմավարությունը - Mediamax.am

37904 դիտում

Անվանի ֆիզիկոսները կքննարկեն ԵրՖի ռազմավարությունը


Լուսանկարը` ՀՀ նախագահի մամուլի ծառայություն


Երեւան: Մեդիամաքս: ՀՀ նախագահ Սերժ Սարգսյանն այսօր ընդունել է աշխարհահռչակ ֆիզիկոսներ Յուրի Օգանեսյանին եւ Անի Ափրահամյանին:

Նրանք ժամանել են նոյեմբերի 6-8 Երեւանում անցկացվող Համահայկական գիտաժողովի մասնակցելու, ինչպես նաեւ Ա. Ի. Ալիխանյանի անվան ազգային գիտական լաբորատորիայի (ԵրՖի) ռազմավարության հետ կապված հարցեր քննարկելու նպատակով, հաղորդում են նախագահի մամուլի ծառայությունից:

 

Սերժ Սարգսյանը բարձր է գնահատել գիտնականների պատրաստակամությունն աջակցելու Հայաստանում գիտության զարգացմանը, ներդրում ունենալու ֆիզիկայի ու մաթեմատիկայի բնագավառներում առաջընթացի եւ երիտասարդ գիտնականների կրթության գործում:

 

Նախագահը նաեւ նշել է անվանի գիտնականների հետեւողականությունը Օնկոլոգիայի ազգային գերազանցության կենտրոնի զարգացման եւ հատկապես «Ա. Ի. Ալիխանյանի անվան ազգային գիտական լաբորատորիա (Երեւանի ֆիզիկայի ինստիտուտ)» հիմնադրամի տարածքում իզոտոպների արտադրության ու դիագնոստիկայի կենտրոնի ծրագրի ձեւավորման գործում:

 

Հանդիպմանը կարեւորվել է նաեւ Հայաստանի գիտության եւ տեխնոլոգիաների հիմնադրամի (FAST) հետ համագործակցությունը՝ հաշվի առնելով, որ Յուրի Օգանեսյանը FAST-ի հոգաբարձուների խորհրդի անդամ է:

 

 

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին