Երեւան: Մեդիամաքս: Զենքի ներկրման ծավալով Ադրբեջանը երկրորդ տեղն է զբաղեցնում Եվրոպայում:

Այս մասին վկայում է Ստոքհոլմի խաղաղության միջազգային ինստիտուտի կողմից  հրապարակած  «Զենքի մատակարարման միջազգային միտումները 2013» զեկույցը:  

«Եվրոպայում զենքի ներկրման ծավալներով առաջատար է Մեծ Բրիտանիան  (Եվրոպա ներմուծվող զենքի ընդհանուր ծավալի 12 %), նրան մի փոքր զիջում է Ադրբեջանը (12%): Ադրբեջանը, որը տարածքային վեճ ունի Հայաստանի հետ, 2004- 2008 թթ. եւ 2009-2013 թթ. ժամանակահատվածում  ավելացրել է զենքի ներկրումը շուրջ 387 %-ով»,- ասված է զեկույցում:

2009-2013 թթ. Ռուսաստանի մասնաբաժինը Ադրբեջան առաքվող զենքի ծավալներում կազմել է շուրջ 80 %:

«Ադրբեջանին զենք մատակարարող երկրների շարքում են եղել նաեւ Բելառուսը, Ուկրաինան, Իսրայելը եւ Թուրքիան»,- ասված է զեկույցում: