Երեւան: Մեդիամաքս: Ադրբեջանում ավարտվել են քննչական գործողությունները 15 հայ «անջատողականների» նկատմամբ հարուցված քրեական գործով։
Ինչպես հաղորդում են ադրբեջանական լրատվամիջոցները՝ այդ մասին այսօր հայտարարել է Ադրբեջանի գլխավոր դատախազ Քյամրան Ալիեւը։
«Նրանց բոլոր իրավունքներն ապահովվել են երկրի ներքին օրենսդրությանը եւ միջազգային կոնվենցիաների պահանջներին համապատասխան, նրանց տրամադրվել են փաստաբաններ, թարգմանիչներ։ Այս պահին մեղադրյալները, փաստաբանները եւ տուժողները ծանոթանում են քրեական գործի նյութերին։ Այդ փուլն ավարտելուց հետո մեղադրական եզրակացությունը կուղարկվի դատարան»,- ասել է նա։
Քրեական գործով, մասնավորապես, անցնում են Լեռնային Ղարաբաղի Հանրապետության (ԼՂՀ) նախկին նախագահներ Արկադի Ղուկասյանը, Բակո Սահակյանը եւ Արայիկ Հարությունյանը, ԼՂՀ նախկին պետնախարար Ռուբեն Վարդանյանը, ԼՂՀ ԱԺ նախկին նախագահ Դավիթ Իշխանյանը, ԼՂՀ նախկին արտգործնախարար Դավիթ Բաբայանը, ԼՂՀ նախկին պաշտպանության նախարար եւ փոխնախարար Լեւոն Մնացականյանի եւ Դավիթ Մանուկյանը։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: