Երեւան: Մեդիամաքս: Ադրբեջանի նախագահ Իլհամ Ալիեւն այսօր ասել է, որ «եթե Հայաստանը խաղաղություն է ցանկանում, ապա պետք է մեզ հետ բանակցություններ վարի սահմանազատման մասին»:
«Եթե Հայաստանը խաղաղություն է ցանկանում, ապա մեզ էլ է պետք խաղաղ համաձայնագիրը: Եթե Հայաստանը պատերազմ է ուզում, ապա կստանա նույն արդյունքը, ինչ նախորդ տարվա աշնանը: Եթե Հայաստանը խաղաղություն է ուզում, ապա պետք է սահմանազատման բանակցություններ վարի: Եթե նրանք դա չանեն, ապա կզղջան», - ասել է Ալիեւը՝ ընդունելով 10 երկրների նորանշանակ ոչ ռեզիդենտ դեսպաններին:
Նա նաեւ ասել է, որ Հայաստանը մերժում է Ադրբեջանի առաջարկը խաղաղ համաձայնագրի մասին:
«Ցավոք, Հայաստանի կառավարությունը չի պատասխանում մեր բաց հայտարարություններին՝ խաղաղ համաձայնագրի շուրջ բանակցություններ սկսելու մասին: Հայաստանի կառավարությունը նաեւ արհամարհում է մեր առաջարկը սահմանազատման բանակցությունները սկսելու մասին: Մենք դա չենք հասկանում», - ասել է Ալիեւը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: