Երեւան: Մեդիամաքս: Թուրքիայում ԱՄՆ դիվանագիտական առաքելությունը հավաստի տեղեկություններ է ստացել Ստամբուլում ԱՄՆ եւ օտարերկրյա քաղաքացիների դեմ հնարավոր ահաբեկչական գործողությունների եւ առեւանգումների վտանգի մասին:
«ԱՄՆ քաղաքացիներին խորհուրդ է տրվում ավելի մեծ զգուշավորություն ցուցաբերել այն վայրերում, որտեղ կարող են հավաքվել ամերիկացիներ կամ օտարերկրացիներ, ներառյալ գրասենյակային մեծ շենքերը կամ առեւտրի կենտրոնները»,- ասված է Թուրքիայում ԱՄՆ առաքելության տարածած հայտարարությունում:
Անկարայում ԱՄՆ դեսպանությունը հայտարարել է, որ ժամանակավոր կասեցնում է վիզաների տրամադրման ծառայությունները: Ժամանակավորապես կփակվեն նաեւ ԱՄՆ հյուպատոսությունները Ադանայում եւ Իզմիրում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: