Երեւան: Մեդիամաքս: Վրաստանի արտակարգ իրավիճակների ծառայության ղեկավար Թեմուր Գիորգաձեն այսօր «իրականությանը չհամապատասխանող» է անվանել տեղեկատվությունը Թբիլիսիի հայկական Սուրբ Նշան եկեղեցում տեղի ունեցած հրդեհի մասին:
Ինչպես հաղորդում է GHN գործակալությունը, Թեմուր Գիորգաձեն ասել է, որ եկեղեցում հրդեհի բռնկման մասին լուրեր էին ստացվում երկու օր շարունակ: Իր խոսքերով, առաջին դեպքում հրդեհը եկեղեցուն կից ներքնահարկում էր, իսկ երկրորդ դեպքում` եկեղեցու մոտ գտնվող աղբն էր այրվում:
«Իսկապես, կանչեր էին եղել հարակից տարածք, որտեղ աղբ է այրվել: Սակայն դա եկեղեցուն վնաս չի հասցրել: Մենք մաքրման աշխատանքներ ենք իրականացրել, եւ ներկա պահին տաճարին ոչինչ չի սպառնում», - ասել է Գիորգաձեն:
Մեդիամաքս-ը նշում է, որ ՀՀ մշակույթի նախարարությունն այսօր հայտնել է, որ Թբիլիսի է գործուղել մասնագիտական հանձնախումբ` հունվարի 9-ի գիշերը Թբիլիսիի Սուրբ Նշան հայկական եկեղեցում բռնկված հրդեհի հանգամանքները տեղում ուսումնասիրելու համար: Նախարարությունը հայտնել էր, որ եկեղեցում բռնկված հրդեհը մարելու ընթացքում փլուզվել է հուշարձանի հարավարեւելյան սյունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: