Երեւան: Մեդիամաքս: Մայր Աթոռ Սուրբ Էջմիածինը hորդորել է «Ժառանգություն» կուսակցության առաջնորդ Րաֆֆի Հովհաննիսյանին «դադարեցնել հացադուլը և ընտրել քաղաքական պայքարի առավել կառուցողական միջոցներ»:
Ինչպես հաղորդում է Մեդիամաքս-ը, այս մասին ասված է Մայր Աթոռ Սուրբ Էջմիածնի այսօր տարածած հայտարարության մեջ:
«Եկեղեցին չի արդարացնում հացադուլը, քանզի այն աստվածատուր կյանքին սպառնացող գործողություն է»,- նշված է հայտարարության մեջ:
«Նկատի առնելով ՀՀ Կենտրոնական ընտրական հանձնաժողովի, դիտորդական առաքելությունների զեկույցներն ու գնահատականները, Մայր Աթոռ Ս. Էջմիածինը անընդունելի է նկատում, երբ փորձ է արվում քաղաքական շահարկումների թիրախ դարձնել եկեղեցին, հայոց հայրապետին և անգամ ՀՀ նախագահի երդման արարողությանը գործածվող Վեհամոր Ավետարանը», - ասված է հայտարարության մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: