Երեւան: Մեդիամաքս: Ազգային ժողովի նախագահ Ալեն Սիմոնյանն այսօր վստահություն է հայտնել, որ «մի օր Ադրբեջանում պահվող գերիների թիվը կհասնի 0-ի»:
«Ադրբեջանում հաստատված 23 գերի կա: Եկեք սպասենք, ես վստահ եմ, որ գերիների թիվն ինչ-որ պահի հասնելու է 0-ի։ Վերադառնալու են բոլորը, այդ թվում՝ նաեւ այն ժամանակվա Ղարաբաղի ղեկավարները»,- լրագրողների հետ զրույցում ասել է Ալեն Սիմոնյանը:
ԱԺ նախագահն ընդգծել է, որ իրենց իշխանությունն ամեն ինչ անելու է, որ «բոլոր գերիներն անխտիր վերադառնան Հայաստան».
«Մենք աշխատում ենք եւ միջազգային կառույցների, եւ իրենց [Ադրբեջանի] հետ, որ այդ հարցը լուծենք»:
