Երեւան: Մեդիամաքս: Հայաստանի վարչապետ Նիկոլ Փաշինյանն այսօր ասել է, որ «մինչեւ տարեվերջ Հայաստանի կառավարությունը թղթի վրա պետք է նկարագրի «Թրամփի ուղու» հետ կապված բոլոր մանրամասները»։
«2026 թվականի առաջին կեսին պետք է դրանք բոլորը համաձայնեցնենք, իսկ տարվա երկրորդ կեսին՝ սկսենք շինարարական աշխատանքները: Սա է պլանը»,- Ազգային ժողովում ասել է վարչապետը՝ պատասխանելով պատգամավորների հարցերին:
«Մենք ամեն ինչ կանենք, որ այս ժամանակացույցը հստակ աշխատի: Հաստատ կարող եմ ասել, որ այդ նախագիծն արագ ու մեծ տեմպերով իրականացվելու է եւ այն պայմաններով, ինչ գրված է Վաշինգտոնի հռչակագրում», - հավելել է Նիկոլ Փաշինյանը:
