Երեւան: Մեդիամաքս: Վարչապետ Նիկոլ Փաշինյանն այսօր ասել է, որ «Հայաստանում եկեղեցու դեմ արշավ չկա, չի եղել եւ չի լինի»:
«Եթե եկեղեցու դեմ արշավ տեսնում եք, ապա դա կապ չունի կառավարության եւ կառավարող մեծամասնության հետ»,- Ազգային ժողովում լրագրողների հետ ճեպազրույցում ասել է Նիկոլ Փաշինյանը:
Անդրադառնալով Սարդարապատի հուշահամալիրում Վեհափառ Հայրապետի հետ կապված միջադեպին՝ Նիկոլ Փաշինյանը նշել է, որ երեկ Սարդարապատի միջոցառմանը Վեհափառը հրավեր չի ունեցել:
«Երբ Վեհափառ Հայրապետը մոտեցել է պետական արարողակարգային միջոցառման վայր, ընդ որում, հրավեր չի ունեցել, մենք էլ տեղեկություն չենք ունեցել, որ նա ակնկալում է հրավեր: Ոստիկանությունը պարզապես փորձել է ճշտել, թե Վեհափառը եկել է իր քաղաքական կողմնակիցների եւ իր կողմից ղեկավարվող շարժման նախաձեռնած սադրող գործողությունները շարունակելո՞ւ, թե՞ այլ նպատակով:
Երբ ոստիկանները ստացել են հավաստիացում, որ այցն ունի միայն արարողակարգային նպատակ, ապահովել են Վեհափառ Հայրապետի մուտքը Սարդարապատի հուշահամալիր»,- ասել է Նիկոլ Փաշինյանը:
Ինչ վերաբերում է Բագրատ Սրբազանի հետ հնարավոր հանդիպմանը, նա նշել է, որ իրեն հանդիպելու ընթացակարգեր կան.
«Կան ձեւաչափեր, ովքեր ուզում են ինձ հետ հանդիպել, կարող են հերթագրվել»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: