Երեւան։ Մեդիամաքս։ Հայաստանի վարչապետ Նիկոլ Փաշինյանն այսօր ասել է, որ «հայկական կողմի ամենամեծ մտահոգությունն է ստորագրել այնպիսի խաղաղության պայմանագիր, որը կապահովի խաղաղությունը կամ որը խաղաղություն ապահովելու մեծ շանսեր ունենա»:
«Չենք պատրաստվում ստորագրել ցանկացած փաստաթուղթ, որի վերեւում գրված է «խաղաղության պայմանագիր»: Եթե այդպես լիներ, վաղուց ստորագրել էինք: Եթե նույնիսկ պայմանագիրը կապահովեր 1-2 տարի խաղաղություն, ապա դա էլ ճիշտ տարբերակ չէ:
Մեր մտահոգությունն այն է, որ եթե կողմերից մեկը խոսում է ագրեսիվ հռետորաբանությամբ, դա չի նպաստում խաղաղության հաստատմանը եւ այդ մթնոլորտում պայմանագիրը կարող է նույնիսկ չգործել»,- ասուլիսի ժամանակ ասել է նա:
Նիկոլ Փաշինյանի խոսքով՝ խաղաղությունը նպատակ չէ, այն միջոց է զարգացած, բարեկեցիկ, երջանիկ եւ ուժեղ պետություն ունենալու:
«Այն, որ խաղաղության պայմանագիրը չի երաշխավորում խաղաղություն, պարզ է, բայց այդ պայմանագրի բացակայությունն էլ կրկնապատկում է պատերազմի հավանականությունը», - ասել է վարչապետը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: