Երեւան: Մեդիամաքս: ՀՀ նախագահ Արմեն Սարգսյանը հրամանագիր է ստորագրել Արարատ Միրզոյանին արտաքին գործերի նախարար նշանակելու մասին:

Արարատ Միրզոյանը ծնվել է 1979թ. նոյեմբերի 23-ին Երեւանում։ 2000թ. ավարտել է ԵՊՀ պատմության ֆակուլտետի արվեստի բաժինը: 2002թ.՝ նույն ֆակուլտետի մագիստրատուրան, 2004 թվականին՝ ՀՀ պետական կառավարման ակադեմիան,

2005 թվականին՝ ՀՀ Գիտությունների ազգային ակադեմիայի ասպիրանտուրան:

«Քաղաքացիական պայմանագիր» կուսակցության հիմնադիր անդամ է, 2016 թվականից՝ կուսակցության վարչության անդամ:

2018 թվականի մայիսին նշանակվել էր ՀՀ առաջին փոխվարչապետ։

2019 թվականի հունվարին ընտրվել էր Ազգային Ժողովի նախագահ։