Երեւան: Մեդիամաքս: Բելառուսի նախագահ Ալեքսանդր Լուկաշենկոն այսօր հայտարարել է, որ «Հայաստանը գլխավորում է ԵԱՏՄ-ն ու ՀԱՊԿ-ը, եւ դա շատ մեծ բեռ է անցումային շրջանում գտնվող երկրի համար»:
Ինչպես հաղորդում է ՏԱՍՍ-ը, այդ մասին Բելառուսի նախագահը ասել է Ադրբեջանի դեսպան Լատիֆ Գանդիլովի հետ հանդիպման ժամանակ:
Նրա խոսքերով, «ՀԱՊԿ գլխավոր քարտուղարի նշանակման հարցում շատ տարբերակներ կային»:
«Սակայն դա չի նշանակում, որ մենք ճնշել ենք Հայաստանին, որ ինչ-որ մեկը հաղթել է, մյուսը՝ պարտվել: Փաշինյանը պետք է կառավարությունում պարզապես հասկանա իրավիճակը: Հայաստանը գլխավորում է ԵԱՏՄ-ն ու ՀԱՊԿ-ը, եւ դա շատ մեծ բեռ է անցումային շրջանում գտնվող երկրի համար: Արդյո՞ք կկարողանա Հայաստանը: Եթե Փաշինյանը հասկանա իրավիճակը եւ պատասխանի, մենք կհանդիպենք Սանկտ Պետերբուրգում եւ որոշում կկայացնենք», - նշել է Լուկաշենկոն:
«Այբբենական կարգով հաջորդ երկիրը Բելառուսն է, եւ մենք պետք է պատրաստ լինենք առաջարկել մեր թեկնածությունը: Այսօր ես ունեմ երեք թեկնածու, որոնց կարող եմ առաջարկել ՀԱՊԿ գլխավոր քարտուղարի պաշտոնում», - հավելել է Լուկաշենկոն:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: