Վաղը կմեկնարկի «Վիքիկոնֆերանս Երեւան 2013»-ը - Mediamax.am

9057 դիտում

Վաղը կմեկնարկի «Վիքիկոնֆերանս Երեւան 2013»-ը


Լուսանկարը` ttp://www.flossk.org


Երեւան: Մեդիամաքս: Հոկտեմբերի 5-6-ը Հայաստանի Ամերիկյան համալսարանի շենքում կանցկացվի «Վիքիկոնֆերանս Երեւան 2013»-ը, որը կամփոփի հայկական վիքի համայնքի տարեկան ձեռքբերումները եւ կմշակի վիքի-նախագծերի եւ ազատ բովանդակության զարգացմանն ուղղված նոր մոտեցումներ:

Ինչպես հաղորդում է Մեդիամաքս-ը, այսօր «Վիքիմեդիա Հայաստան» հասարակական կազմակերպության նախագահ Սուսաննա Մկրտչյանն ասել է, որ այս տարի Վիքիկոնֆերանսին գրանցվել է ավելի քան 300 մասնակից Հայաստանից, ԱՄՆ-ից, Ֆրանսիայից, Գերմանիայից, Ուկրաինայից եւ այլ երկրներից: 

 

«Վիքիկոնֆերանսը հետապնդում է մի քանի նպատակ: Մենք ցանկանում ենք հնարավորինս մեծ թվով մարդկանց ներգրավել Հայաստանում իրագործվող վիքի-նախագծերում, որոնց միջոցով հայկական աշխարհը ներկայացվում է համացանցում: Համախմբելով նոր մարդկանց` մենք կարող ենք ավելացնել հայերեն Վիքիպեդիայում տեղադրվող հոդվածների թիվը, դրանց մշակումը սիրողական մակարդակից տեղափոխել մասնագիտական հարթություն»,- ասել է Սուսաննա Մկրտչյանը:

 

Սուսաննա Մկրտչյանը հիշեցրել է, որ հայերեն Վիքիպեդիայում արդեն տեղադրված է շուրջ 97 հազար հոդված, որոնց թիվն առաջիկայում կհասցվի 100 հազարի:

 

Կազմակերպության ղեկավարի կարծիքով, Հայաստանն աշխարհին ճանաչելի դարձնելու գործին պետք է մասնակցի ողջ հասարակությունը:

 

Մեդիամաքս-ը հիշեցնում է, որ IDeA հիմնադրամը, որը միավորում է հայտնի գործարար եւ բարեգործ Ռուբեն Վարդանյանի ընտանիքը, ընկերներին ու համախոհներին, որոշել է աջակցել «Վիկիմեդիա Հայաստան» հասարակական կազմակերպությանը` Հայաստանում Վիքի-նախագծեր իրականացնելու հարցում:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին