Երեւան: Մեդիամաքս: Ադրբեջանի նախագահ Իլհամ Ալիեւն այսօր ասել է, որ ադրբեջանական երիտասարդությունը պետք է ծառայի երկրի ուժեղացման գործին եւ «յուրաքանչյուր երիտասարդ իր հնարավորությունների սահմաններում պետք է ակտիվացնի քարոզչական աշխատանքը` կապված Ղարաբաղյան խնդրի հետ»:
Ինչպես հաղորդում է Մեդիամաքսը, վկայակոչելով «Թրենդը», Իլհամ Ալիեւն այդ մասին ասել է երիտասարդության ներկայացուցիչների հետ հանդիպման ընթացքում:
Ադրբեջանի նախագահը եւս մեկ անգամ հայտարարել է Բաքվի դիրքորոշման անփոփոխության մասին, որի համաձայն, հակամարտությունը կարող է լուծվել միայն միջազգային իրավունքի համապատասխան` Ադրբեջանի տարածքային ամբողջականության շրջանակներում:
