Երեւան: Մեդիամաքս։ Ստեփանակերտ-Գորիս միջպետական մայրուղին շարունակում է երկկողմանի փակ մնալ:
Արցախի Տեղեկատվական շտաբից հայտնել են, որ ադրբեջանական սադրանքի հետեւանքով մեկ օր շարունակ շրջափակման մեջ է Արցախը եւ ոտնահարված են հազարավոր քաղաքացիների իրավունքները։
«Ստեղծված իրավիճակով պայմանավորված՝ Հայաստանից Արցախ եկող քաղաքացիները գիշերել են Գորիսում, մի մասը`այդ թվում կանայք ու երեխաներ, Շուշիի շրջանի Լիսագոր համայնքում»,- ասված է հաղորդագրությունում:
Դեկտեմբերի 12-ին ժամը 10։30-ի սահմաններում ադրբեջանական կողմը, խախտելով 2020 թվականի նոյեմբերի 9-ի եռակողմ համաձայնագրի դրույթները, «բնապահպանական» պատճառաբանություններով փակել է Արցախն աշխարհին կապող կյանքի միակ ճանապարհը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: