Երեւան: Մեդիամաքս: Հայաստանի փոխվարչապետ Մհեր Գրիգորյանը ԱՊՀ անդամ պետությունների կառավարությունների ղեկավարների խորհրդի նիստում հայտարարել է, որ Ադրբեջանը ռազմական հանցագործություններ է գործում Լեռնային Ղարաբաղում:
«Թուրքիայի անմիջական ռազմաքաղաքական աջակցությամբ, Սիրիայից եւ Լիբիայից ահաբեկիչների ներգրավմամբ Լեռնային Ղարաբաղի դեմ իրականացվող ագրեսիան շարունակվում է:
Ադրբեջանական կողմը կիրառում է ահաբեկչական խմբավորումների այնպիսի մեթոդներ, ինչպիսիք են խոշտանգումները, ռազմագերիների գնդակահարություններն ու գլխատումները, զոհվածների մարմինների անարգանքը:
Ադրբեջանի ղեկավարության խղճի վրա մի շարք ռազմական հանցագործություններ են», - Գրիգորյանի խոսքերը մեջբերում է ՏԱՍՍ-ը:
