Երեւան: Մեդիամաքս: Արցախի նախագահի մամուլի խոսնակ Վահրամ Պողոսյանն այսօր հայտնել է, որ Ադրբեջանը վաղ առավոտից շարունակում է կոպտորեն խախտել հումանիտար հրադադարի ռեժիմը՝ հրետանային զինատեսակներից գնդակոծելով են նաեւ խաղաղ բնակավայրերը:
«Բանակային ստորաբաժանումների հետ ակտիվ ռազմագործողություններին ադրբեջանական կողմից մասնակցում են մի քանի հազար վարձկան-ահաբեկիչներ:
Պաշտպանության բանակը ծանր մարտեր է մղում՝ փորձելով կասեցնել թշնամու նախահարձակ գործողությունները:
Պետք է գործադրել բոլոր ջանքերը մինչեւ ատամները զինված թշնամուն մեծ կորուստներ պատճառելու եւ հայրենական այս պատերազմում հաղթանակ ապահովելու համար»,- ասել է Վահրամ Պողոսյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: