Երեւան: Մեդիամաքս: ԵԱՀԿ Մինսկի խմբի համանախագահները մոտ ապագայում կայցելեն տարածաշրջան, այսօր Մեդիամաքսին ասել է ֆրանսիացի միջնորդ Ստեֆան Վիսկոնտին։
Նա տեղեկացրել է, որ նոր է վերադարձել Լուքսեմբուրգից, որտեղ Հայաստանի եւ Ադրբեջանի արտգործնախարարների մասնակցությամբ կայացել է Արեւելյան Գործընկերության անդամ-երկրների նախարարական հանդիպումը:
«Մենք շատ շուտով կայցելենք տարածաշրջան։ Այցի կոնկրետ ժամկետների մասին պաշտոնապես կհայտարարեն Երեւանն ու Բաքուն»,- ասել է Ստեֆան Վիսկոնտին։
Նրա խոսքով՝ այցի ընթացքում կքննարկվեն խաղաղ բանակցությունների ակտիվացման հարցերը, կանդրադառնան Հայաստանի վարչապետի եւ Ադրբեջանի նախագահի վերջերս Դուշանբերում կայացած հանդիպմանը:
