Երեւան: Մեդիամաքս: «Վրացական երազանք» դաշինքի առաջնորդ Բիձինա Իվանիշվիլին այսօր ներկայացրել է առանցքային նախարարական պաշտոնների թեկնածուներին:
Փոխվարչապետի եւ պաշտպանության նախարարի պաշտոնի համար առաջադրվել է «Մեր Վրաստանը-ազատ դեմոկրատներ» կուսակցության առաջնորդ Իրակլի Ալասանիան:
Այստեղ կարող եք կարդալ 2011 թվականի գարնանը Մեդիամաքս-ին տված Իրակլի Ալասանիայի հարցազրույցը:
Փոխվարչապետի, տարածաշրջանային զարգացման եւ ենթակառուցվածքների նախարարի պաշտոնի համար առաջադրվել է «Միլանի» նախկին ֆուտբոլիստ Կախա Կալաձեն, ով ներկայացնում է «Ժողովրդավարական Վրաստան» կուսակցությունը:
«Ժողովրդավարական Վրաստան» կուսակցության երկու այլ ներկայացուցչներ Իրակլի Ղարիբաշվիլին եւ Մայա Պանջիկիձեն առաջադրվել են համապատասխանաբար ներքին գործերի եւ արտաքին գործերի նախարարների պաշտոնների համար:
Բիձինա Իվանիշվիլին հայտարարել է, որ Հանրապետական կուսակցության առաջնորդ Դավիթ Ուսուպաշվիլին կդառնա Վրաստանի Ազգային Ժողովի նախագահը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: