Երեւան: Մեդիամաքս: Այսօր Երեւանում կկայանա Հայաստանի եւ Թուրքիայի արտգործնախարարների Էդվարդ Նալբանդյանի եւ Ահմեդ Դավութօղլուի երկկողմ հանդիպումը:
Ինչպես հաղորդում է Մեդիամաքս-ը, այդ մասին լրագրողներին հայտնել է ՀՀ արտգործնախարար Էդվարդ Նալբանդյանը:
Հանդիպումը կայանալու է Երեւանում անցնող Սեւծովյան տնտեսական համագործակցության (ՍԾՏՀ) կազմակերպության անդամ երկրների ԱԳ նախարարների խորհրդի 29-րդ նստաշրջանի շրջանակներում:
«Նախատեսված են հանդիպումներ նստաշրջանին մասնակցող բոլոր պատվիրակությունների ղեկավարների հետ, այդ թվում` Թուրքիայի արտգործնախարար Ահմեդ Դավութօղլուի հետ: Թե ինչի մասին ենք խոսելու, կհայտնենք հանդիպումից հետո», - ասել է Էդվարդ Նալբանդյանը:
Նա նաեւ հավելել է, որ Թուրքիայի փորձերը կապակցել հայ-թուրքական հարաբերությունների կարգավորումը այլ հարցերի հետ «ապարդյուն են ու անիմաստ»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: