Երեւան: Մեդիամաքս: Հայաստանի վարչապետ Նիկոլ Փաշինյանը Եվրոպական խորհրդի նախագահ Անտոնիու Կոշտայի հետ քննարկել է Հայաստան-Եվրոպական միություն համագործակցության օրակարգին վերաբերող հարցեր:
Կառավարությունից հայտնում են, որ Մյունխենի անվտանգության համաժողովի շրջանակում կայացած հանդիպմանը Նիկոլ Փաշինյանը կարեւորել է ԵՄ շարունակական աջակցությունը Հայաստանում ժողովրդավարական բարեփոխումներին:
Նա շեշտել է, որ Հայաստանը կարեւորում է ԵՄ-ի հետ բազմակողմ կապերի ընդլայնումն ու զարգացումը` տարբեր ոլորտներում կարողությունները զարգացնելու նպատակով:
«Եվրոպական խորհրդի նախագահը հայտնել է ԵՄ հանձնառությունը՝ ամրապնդելու ընդհանուր արժեքների վրա հիմնված գործընկերությունը եւ խորացնելու համագործակցությունը բոլոր ոլորտներում», - հայտնում են կառավարությունից:
«Զրուցակիցները քննարկել են Հայաստանի եւ Ադրբեջանի միջեւ խաղաղության գործընթացին, տարածաշրջանային հաղորդակցության ուղիների ապաշրջափակման հնարավորություններին վերաբերող հարցեր: Անտոնիու Կոշտան կարեւորել եւ ողջունել է ՀՀ կառավարության` խաղաղությանը միտված քայլերն ու նախաձեռնությունները»,- ասվում է կառավարության հաղորդագրության մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: