Երեւան: Մեդիամաքս: ԱՄՆ-ը Հայաստանին համառորեն մղում է դեպի «ազգային ինքնասպանություն»։
Այս մասին ասվում է Ռուսաստանի արտաքին հետախուզության ծառայության (ԱՀԾ) մամուլի ծառայության հաղորդագրության մեջ, որը մեջբերում է ՏԱՍՍ-ը։
«Միացյալ Նահանգների գլխավորած, այսպես կոչված, քաղաքակիրթ համայնքին միանալու «բարձր նպատակին» հասնելու համար հայ ժողովուրդը, ինչպես համարում են Վաշինգտոնում, ստիպված կլինի վճարել՝ հրաժարվելով սեփական ավանդույթներից, ազգային սոցիալական հիմքերից եւ Հայաստանի շահերին համապատասխանող կայուն առեւտրատնտեսական կապերից իր ամենամտերիմ գործընկերներ ԵԱՏՄ երկրների հետ, որոնք վերջին տարիներին ապահովել են նրա տնտեսության դինամիկ աճը»,- ասվում է հաղորդագրության մեջ։
Ռուսաստանի արտաքին հետախուզական ծառայությունը պնդում է, որ «Վաշինգտոնը մտադիր է երկարաժամկետ տեղեկատվական-քարոզչական արշավ իրականացնել, որը նախատեսում է Երեւանի եւ Ռուսաստանի, ԵԱՏՄ-ի եւ ՀԱՊԿ-ի միջեւ համագործակցության հեռանկարների վարկաբեկումը»։
Նշվում է նաեւ, որ «ԱՄՆ Պետդեպարտամենտում նկատելիորեն արագացրել են Հայաստանում արեւմտամետ քաղաքացիական հասարակության կառույցների գործունեությունը խթանող միջոցառումների համալիրի աշխատանքը»։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: