Երեւան: Մեդիամաքս: Ռուսաստանի փոխվարչապետ Ալեքսեյ Օվերչուկն այսօր ասել է, որ Եվրասիական տնտեսական միությունը (ԵԱՏՄ) եւ Եվրամիությունը (ԵՄ) անհամատեղելի են:
«Խոսելով Հայաստանի մասին՝ անհնար է, սխալ կլինի, ինչպես ասում են, աչք փակել այն փաստի վրա, որ այս երկրի քաղաքական վեկտորն ավելի ու ավելի է թեքվում դեպի Արեւմուտք:
Պետք է գիտակցել՝ ԵՄ-ն եւ ԵԱՏՄ-ն անհամատեղելի են, այն օգուտները, որ ինչ-որ երկիր ստանում է Ռուսաստանի հետ մերձեցումից, պետք է ընկալել որպես վճար, որը տալիս ենք մեր անվտանգության եւ ռազմավարական խորության համար։ Հետեւաբար, ինչ-որ արտատարածաշրջանային խաղացողների մուտքն այնտեղ, իհարկե, հետեւանքներ կունենա»,- «Պրիմակովյան ընթերցումներ» միջազգային գիտափորձագիտական 10-րդ համաժողովի ժամանակ ասել է ՌԴ փոխվարչապետը:
Նա նշել է, որ Ռուսաստանը շահագրգռված է «կայուն Հայաստանով, լավ առեւտրային հարաբերություններով, լավ եղբայրական հարաբերություններով»:
