Երեւան: Մեդիամաքս: Բելառուսի ԱԳՆ մամուլի քարտուղար Անատոլի Գլազն այսօր ասել է, որ Բելառուսը խորհրդակցությունների համար Մինսկ է կանչել Հայաստանում իր դեսպանին:
«Կապված վարչապետ Նիկոլ Փաշինյանի հայտարարությունների հետ՝ Հայաստանի դեսպանատան ներկայացուցիչը հրավիրվել է ԱԳՆ»,- ասել է Բելառուսի ԱԳՆ խոսնակը:
Նա նշել է, որ Բելառուսը մտադիր չէ վատթարացնել հարաբերությունները Հայաստանի հետ՝ «չնայած այն հանգամանքին, որ Երեւանին դրան դրդում են արտաքին խաղացողները»:
«Կարեւոր է հասկանալ, որ Հայաստանի հետ ունենք երկարամյա սերտ, բարեկամական հարաբերություններ եւ ընդհանուր պատմություն, այսօր նաեւ՝ փոխշահավետ առեւտուր, սերտ գործարար շփումներ: Մենք չենք պատրաստվում վատթարացնել այդ հարաբերությունները, որքան էլ արտաքին խաղացողները դրդեն Հայաստանի ղեկավարությանը դա անել»,- ինչպես հայտնում է ՏԱՍՍ-ը, ասել է Գլազը՝ մեկնաբանելով Բելառուսի նախագահ Ալեքսանդր Լուկաշենկոյի վերաբերյալ ՀՀ վարչապետ Նիկոլ Փաշինյանի հայտարարությունները։
Ավելի վաղ Հայաստանի ԱԳՆ-ն հայտնել էր, որ Բելառուսում ՀՀ դեսպանը կանչվել է Երեւան:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: