Երեւան: Մեդիամաքս: ՄԱԿ-ի Մարդու իրավունքների խորհուրդը (ՄԻԽ) Ժնեւում կայացած արտահերթ նիստում բանաձեւ է ընդունել Իրանում բողոքի ցույցերի ընթացքում մարդու իրավունքների խախտումները հետաքննող միջազգային առաքելություն ստեղծելու մասին։

ՏԱՍՍ-ը հայտնում է, որ փաստաթուղթը հավանության է արժանացել ՄԻԽ-ում ընդգրկված 47 պատվիրակություններից 25-ի կողմից։

6 պետություն դեմ է քվեարկել, 16-ը՝ ձեռնպահ են մնացել։

Դեմ են քվեարկել Հայաստանը, Վենեսուելան, Չինաստանը, Կուբան, Պակիստանը եւ Էրիթրեան։

Ձեռնպահ քվեարկողների թվում են Ղազախստանը, Ուզբեկստանը, Բրազիլիան, Հնդկաստանը, ԱՄԷ-ն։