Երեւան: Մեդիամաքս: ՀՀ ԱԳ նախարար Արարատ Միրզոյանն այսօր ասել է, որ բանակցություններում Ադրբեջանի ներկայացուցիչները չեն առաջարկում ունենալ ճանապարհ, որը կունենա նույն կարգավորումները, ինչ Լաչինի միջանցքը:
Այդ մասին նա ասել է Նորվեգիայի ԱԳ նախարարի հետ համատեղ ասուլիսի ժամանակ:
«Եթե [Թուրքիայի արտաքին գործերի նախարար] պարոն Չավուշօղլուն իր կողմից այս բաղադրիչն է մտցնում բանակցություններում, ապա լավ կլինի՝ իր անունից ասի: Կրկնում եմ՝ Ադրբեջանն այդպիսի բան չի ասում, չի էլ կարող ասել, քանի որ կարգավորումները տրված են 2020 թվականի նոյեմբերի 9-ի հայտարարությամբ»,- ասել է Արարատ Միրզոյանը:
Նա նշել է, որ Ադրբեջանի եւ Նախիջեւանի նոր կապուղու վերաբերյալ հայկական կողմի դիրքորոշումը չի փոխվել:
«Բոլոր ճանապարհները պետք է գործեն, այդ թվում՝ գործող եւ ենթադրաբար նոր կառուցվելիքները։ Կգործեն այն երկրների սուվերենության եւ օրենսդրության ներքո, որոնց տարածքում անցնում են: Այս առումով առաջընթաց կա, բանակցությունները առաջիկայում հաջողությամբ կարող են ավարտվել»,- ասել է Արարատ Միրզոյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: