Երեւան: Մեդիամաքս: Այսօր Աստանայում կայացել է Ռուսաստանի, Հայաստանի եւ Ադրբեջանի ԱԳ նախարար Սերգեյ Լավրովի, Արարատ Միրզոյանի եւ Ջեյհուն Բայրամովի եռակողմ հանդիպումը:
ՌԴ ԱԳՆ-ից հայտնել են, որ նախարարները քննարկել են հայ-ադրբեջանական հարաբերությունների կարգավորմանն ուղղված համատեղ ջանքերը։
«Առարկայական քննարկում է անցկացվել Ռուսաստանի, Ադրբեջանի եւ Հայաստանի փոխվարչապետների համանախագահությամբ եռակողմ աշխատանքային խմբի միջոցով տարածաշրջանում տնտեսական եւ տրանսպորտային կապերի ապաշրջափակման հարցերի շուրջ: Անդրադարձ է եղել նաեւ ՌԴ խորհրդատվական աջակցությամբ հայ-ադրբեջանական սահմանի սահմանազատման հանձնաժողովի աշխատանքին, երեք երկրների հանրային ներկայացուցիչների եւ փորձագետների երկխոսությանը։
Հատուկ ուշադրություն է դարձվել Հայաստանի եւ Ադրբեջանի միջեւ խաղաղության պայմանագրի կնքման շուրջ բանակցությունների ընթացքին»,- ասված է ՌԴ ԱԳՆ հաղորդագրության մեջ:
Հաղորդվում է նաեւ, որ պայմանավորվածություն է ձեռք բերվել առաջիկայում շարունակել եռակողմ շփումները տարբեր մակարդակներով:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: