Երեւան: Մեդիամաքս: ԱՄՆ նախագահ Դոնալդ Թրամփը շնորհավորել է Նիկոլ Փաշինյանին՝ Հայաստանի վարչապետ ընտրվելու կապակցությամբ:
«Անհամբերությամբ սպասում եմ մեր համագործակցությանը փոխադարձ հետաքրքրություն ներկայացնող բազմաթիվ բնագավառներում, այդ թվում՝ առեւտրային կապերի, ժողովրդավարական ինստիտուտների եւ տարածաշրջանային անվտանգության ամրապնդման ոլորտներում»,- ասված է Դոնալդ Թրամփի ուղերձում, որը տարածել է ԱՄՆ-ում Հայաստանի դեսպանությունը:
«Կոռուպցիայի դեմ պայքարում առաջընթացը, քաղաքական բոլոր կուսակցությունների միասնությունը եւ Լեռնային Ղարաբաղի հակամարտության խաղաղ կարգավորումը կնպաստեն այդ ջանքերին եւ կերաշխավորեն Հայաստանի պայծառ ապագան:
Լավագույն մաղթանքներս Ձեզ եւ հայ ժողովրդին»,- գրել է ԱՄՆ նախագահը Նիկոլ Փաշինյանին:
