Երեւան: Մեդիամաքս: Վրաստանի վարչապետ Իրակլի Ղարիբաշվիլին այսօր հայտարարել է, որ իր հայ պաշտոնակից Հովիկ Աբրահամյանի ոչ պաշտոնական այցը Բաթումի, որ կայացել է մայիսի 17-18-ը, կարող է «էլ ավելի խորացնել հարաբերությունները երկու երկրների միջեւ»:
Նրա խոսքով՝ Վրաստանը կարեւոր դեր ունի տարածաշրջանում եւ ձգտում է հարաբերությունները զարգացնել բոլոր հարեւանների՝ Թուրքիայի, Ադրբեջանի ու Հայաստանի հետ:
«Այդ բոլոր երկրների հետ մենք լավ հարաբերություններ ունենք»,- ասել է նա:
ՀՀ վարչապետ Հովիկ Աբրահամյանը ոչ պաշտոնական այցով մեկնել է Աջարիա, որտեղ հանդիպել է վրացի իր պաշտոնակից Իրակլի Ղարիբաշվիլիի հետ:
Կառավարությունների ղեկավարները քննարկել են երկու պետությունների «ընկերական եւ բարիդրացիական հարաբերությունները», հայտնել է Վրաստանի կառավարության մամուլի ծառայությունը:
