Երեւան: Մեդիամաքս: Այսօրվանից Հայաստանում Լիտվայի դեսպանությունը սկսել է համագործակցել Մուտքի արտոնագրերի տրամադրման նորաբաց կենտրոնի հետ:

Դիմումները Շենգենյան մուտքի արտոնագրեր ստանալու համար դեպի Էստոնիա, Դանիա, Հունգարիա, Լատվիա, Լիտվա, Իսպանիա կարող են առանց նախնական գրանցման ներկայացվել Մուտքի արտոնագրերի տրամադրման կենտրոն:

Դիմումների և բոլոր պահանջվող փաստաթղթերի տրամադրման ձեւաչափը մնում է անփոփոխ:

Մուտքի արտոնագրերի տրամադրման նորաբաց կենտրոնի հասցեն է`

48/1 Նալբանդյան փող.,

Սախարով Բիզնես Կենտրոն, 2-րդ հարկ,

0010 Երեւան, Հայաստան:

Հեռախոսահամարն է +37460 74 05 04

էլ. փոստի հասցեն` info.ltar@vfshelpline.com

կայքը: http://www.vfsglobal.com/lithuania/armenia

Աշխատանքային օրերն ու ժամերն են`երկուշաբթի-ուրբաթ, 09:00-ից 16:00 ը (բացի պետական տոներից):

Հնարավոր է Շենգենյան մուտքի արտոնագրեր ստանալու համար դիմել նաեւ Լիտվայի Հանրապետության դեսպանություն: Գործում է պարտադիր օնլայն գրանցում դեսպանության կայքում` http://am.mfa.lt:

Ազգային D մուտքի արտոնագրերի համար դեպի Լիտվա եւ այլ հյուպատոսական հարցերի դեպքում պետք է դիմել անմիջականորեն դեսպանատուն: Ավելի մանրամասն տեղեկությունները հասանելի են վերը նշված կայքում: