Երեւան: Մեդիամաքս: ՀՀԿ նախընտրական շտաբի ղեկավարի տեղակալ, ԵԽԽՎ-ում Հայաստանի պատվիրակության ղեկավարը Դավիթ Հարությունյանն այսօր ասել է, որ մայիսի 6-ին կայացած "ընտրություններն իրապես անցան շատ պատշաճ մակարդակով”:
“Իհարկե, դա չի նշանակում, որ չեն եղել ուղղումներ, սակայն բացթողումները պետք է հաշվի առնվեն, որպեսզի հաջորդ ընտրությունները կարողանանք էլ ավելի բարձր որակով անցկացնել՝ շտկելով այդ բացթողումները”, - ասել է նա Մեդիամաքս-ի հետ զրույցում:
Դավիթ Հարությունյանը կարծիք է հայտնել, որ դիտորդների գնահատականները, ընդհանուր առմամբ, դրական էին: Նա նշել է, որ ընտրությունները քննարկման առարկա կդառնան ԵԽԽՎ-ի մշտական կոմիտեի (PACE Standing Committee) նիստի ժամանակ, որը տեղի կունենա հունիսին Տիրանայում:
Նախնական տվյալներով, Ազգային Ժողովում Հայաստանի հանրապետական կուսակցությունը կունենա 68 պատգամավոր:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: