Երեւան: Մեդիամաքս: Մայիսի 6-ին կայանալիք ԱԺ ընտրություններին հետեւող ԵԱՀԿ/ԺՀՄԻԳ դիտորդական առաքելությունը հրապարակել է առաջին միջանկյալ զեկույցը, որը հիմնականում նկարագրում է ընտրությունների նախապատրաստական ընթացքը:
Առաջին միջանկյալ զեկույցում ասված է, որ 2011թ. մայիսին բարեփոխված Ընտրական օրենսգիրքը լավ հիմք է ծառայում ժողովրդավարական ընտրությունների անցկացման համար, «սակայն դեռեւս կան ոլորտներ, որտեղ կարող են բարելավումներ արվել»:
Զեկույցում ասված է, որ Հայաստանում գրանցված են մոտ 2,5 մլն ընտրողներ, որոնք հնարավորություն ունեն ստուգել իրենց անունների առկայությունը ցուցակներում, այդ թվում` համացանցի միջոցով:
«Դիտորդական առաքելության մի քանի զրուցակիցներ անհանգստություն են հայտնել ընտրացուցակների որակի վերաբերյալ: Իշխանությունները նշում են, որ դրանց շարունակաբար բարելավվում է», - ասված է փաստաթղթում:
Զեկույցում ասված է, որ քաղաքական ուժերը նախապատրաստվում են քարոզարշավին, որը կմեկնարկի ապրիլի 8-ին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: