Երեւան: Մեդիամաքս: Երեւանի եւ մարզերի շարք դպրոցներում այսօր առաջին անգամ 5-րդ եւ 6-րդ դասարանցիների շրջանում կազմակերպվել է ընթերցանության օլիմպիադա «Մայրենի» առարկայի շրջանակում:

ԿԳՄՍ նախարարի տեղակալ Արաքսիա Սվաջյանն Աբովյանի անվան թիվ 2 հիմնական դպրոցում, հետեւելով օլիմպիադայի ընթացքին, ասել է, որ օլիմպիադայի անցկացումը կնպաստի երեխաների՝ ընթերցելու կարողությունների զարգացմանը:

«Մայրենի» առարկայի օլիմպիադան անցկացվում է երկու՝ դպրոցական եւ մարզային փուլով՝ տեքստի լուռ ընթերցանության եւ վերարտադրության ձեւաչափով։ Երեւանի եւ մարզերի դպրոցներից օլիմպիադայի դպրոցական փուլին մասնակցելու հայտ է ներկայացրել 9849 աշակերտ, որոնցից 8687-ը փաստացի մասնակցել է առաջին փուլին:

Ըստ դպրոցական փուլում ցուցաբերած արդյունքների՝  այսօր կայացած մարզային փուլին մասնակցել է  632 աշակերտ։