Երեւան: Մեդիամաքս: ՀՀ կառավարությունն այսօր փոփոխություններ է մտցրել հարկային հաշվետվությունների ներկայացման կարգում, որոնք ուժի մեջ կմտնեն ս. թ. հուլիսի 1-ից:
Ինչպես հաղորդում է Մեդիամաքս-ը, ֆինանսների նախարար Վաչե Գաբրիելյանն ասել է, որ 2011 հուլիսի 1-ին նախորդող հաշվետու տարվա արդյունքներով 58.35
միլիոն դրամից ավել շրջանառություն ունեցող կազմակերպություններն ու անհատ ձեռնարկատերերն հարկային հաշվետվությունները պետք է ներկայացնեն էլեկտրոնային եղանակով:
Վաչե Գաբրիելյանը նշել է, որ փոփոխությունների անհրաժեշտությունը բխում է գործարար միջավայրի բարելավման միջոցառումների ծրագրից:
