Երեւան: Մեդիամաքս: Միջազգային ֆինանսական կորպորացիան (IFC) $1.9 մլն-ի գրանտ է տրամադրել Հայաստանի կառավարությանը` երկրի ներդրումային միջավայրի բարելավման նպատակով:
Ինչպես հաղորդում է Մեդիամաքս-ը, համապատասխան համաձայնագիրն այսօր Երեւանում ստորագրել են ՀՀ էկոնոմիկայի նախարար Տիգրան Դավթյանը եւ IFC Կովկասյան տարածաշրջանային ղեկավար Թոմաս Լյուբեկը:
Տիգրան Դավթյանը տեղեկացրել է, որ IFC-ի հետ համագործակցության շրջանակներում բարեփոխումներ կիրականացվեն հարկային, արտաքին առեւտրի, տեսչական ստուգումների եւ սննդի անվտանգության ոլորտներում:
Թոմաս Լյուբեկն իր հերթին նշել է, որ Հայաստանի կառավարության պատրաստակամությունը բիզնես-միջավայրի բարելավման հարցում ապացուցվել է անցյալ տարվա Doing Business վարկանիշային ցուցակով, որտեղ Հայաստանը բարելավել է իր դիրքը 6 կետով եւ զբաղեցրել 55-րդ տեղը: Նա հավելել է, որ փոքր բիզնեսը տնտեսության շարժիչ ուժն է եւ այս տեսանկյունից կարեւորել ՓՄՁ-ների աշխատանքի հեշտացումը եւ կոռուպցիոն ռիսկերի նվազեցումը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: